| ڄَم جو نالو |
اقبال رند |
| جنم |
ڇنڇر، 01 جنوري 1966 |
| ڄَم جو ھنڌ: |
ميرپور خاص |
اقبال رند، 1 جنوري 1966ع تي سنڌ جي ضلعي ميرپورخاص جي تعلقو ڪوٽ غلام محمد جي ڳوٺ لانڍي ۾ جنم ورتو. سندس ٻاروتڻ ھڪ علمي ۽ سياسي شعور سان ڀرپور ماحول ۾ گذريو، جتي سندس والد محمد جمن رند ھڪ پرائمري استاد ۽ قومي ڪارڪن طور سڃاتو ويندو ھو.
اقبال رند تعليم ۾ نمايان ڪاميابي حاصل ڪئي. ھن سنڌي ادب ۾ ايم اي ڪئي ۽ قانون ۾ ايل ايل بي جي ڊگري حاصل ڪئي. سندس تعليمي پسمنظر ھن جي فڪري پختگي ۽ ادبي وابستگيءَ لاءِ ھڪ مضبوط بنياد فراھم ڪيو.
1990ع کان اقبال رند شاعري جي دنيا ۾ قدم رکيو. ھن غزل ۽ وائي جي صنفن ۾ پنھنجي ٽھيءَ جي شاعرن ۾ الڳ سڃاڻپ قائم ڪئي. سندس شاعري ۾ فڪر، احساس ۽ نئون لھجو نمايان طور محسوس ٿئي ٿو. ھن جا ٻہ شعري مجموعا ڇپجي چڪا آهن:
خوشبوءِ جي تنھائي – 2005ع
مون کي غزل ۾ رک – 2019ع
اقبال رند پنھنجي شاعريءَ ۾ جديد رجحان، داخلي احساسن ۽ سماجي شعور کي فنڪاراڻي انداز ۾ پيش ڪيو آھي، جنھن کيس موجودہ سنڌي شاعريءَ ۾ ھڪ منفرد جڳھ ڏني آھي.
ادبي دنيا سان لاڳاپي سان گڏ، اقبال رند قانون جي شعبي ۾ بہ سرگرم آھي. ھو ھن وقت ڪوٽ غلام محمد ۽ ميرپورخاص ۾ وڪالت ۾ عملي خدمتون انجام ڏئي رھيو آھي. سندس پيشہ وراڻہ تجربي ۽ قانوني ڄاڻ کيس سماج سان ويجهڙائپ رکندڙ شخصيت بڻايو آھي.
اقبال رند ھڪ گهڻ رخي تخليقي شخصيت آھي، جيڪا ادب، تعليم ۽ پيشوراڻہ ذميوارين ۾ هڪجھڙائي سان پاڻ مڃائي چڪي آھي. ھن جي شاعري، نئون لھجو، ۽ فڪري ڳانڍاپو، نئين ٽھيءَ لاءِ سکيا جو ذريعو آھن. سندس ڪم سنڌي ادب جي تاريخ ۾ يادگار حيثيت رکي ٿو.
