ڄَم جو نالو	صوفي روحل فقير زنگيجو
تخلص	روحل، فقير
جنم	خميس، 01 جنوري 1733
ڄَم جو ھنڌ:	عمرڪوٽ
لاڏاڻو	آچر، 01 جنوري 1804
لاڏاڻي جو ھنڌ	سکر

روحل فقير ولد شاهو خان بلوچن جي زنگيجا قبيلي مان هو. اندازًا ۱۷۳۴ع ۾ تولد ٿيو. سندس وڏا تعلقي عمر ڪوٽ ۾، مومل جي ڪاڪ لڳ، “پدما جي ڀٽ” ۾ ويٺل هئا. سندس والد شاهو خان، ميان نور محمد وٽ ملازم هو. هن روحل فقير کي سنڌي، عربي ۽ فارسي جي تعليم ڏياري. ان بعد روحل فقير به ميان نور محمد وٽ ملازم ٿيو. پر جلد ئي ملازمت کان بيزاري ڏيکاري فقيري ويس ڍڪي، جھوڪ شريف ۾ پنهنجي مرشد (شاه عنايت شهيد رح جي فرزند ۽ سجاده نشين) عزت الله شاه جي خدمت ۾ وڃي رهيو. ڪجهه وقت بعد، جھوڪ شريف ڇڏي، سنڌ ۾ گهمندو رهيو ۽ آخرڪار موجوده ڪنڊڙي واري مڪان ۾ ديرو ڄمائي ويهي رهيو، جتي ۱۲۱۹ھ مطابق ۱۸۰۴ع ۾ وفات ڪيائين. سنڌي، سرائڪي، هندي، مارواڙي ۽ پارسي ۾ ڪلام چيائين. روحل فقير نه فقط شاعري ۾ نالو ڪڍيو، پر سندس درويشيءَ جو ذڪر پڻ پري پري تائين پهتو.