حليم سيتائي جو ٽيڙُو - گهر جي ڳڻتي کائي ويندي

گهر جي ڳڻتي کائي ويندي

حليم سيتائي

گهر جي ڳڻتي کائي ويندي،
منھنجي الهڙ يار جواني،
غربت ائين ڳڙڪائي ويندي.

اڳئين شاعري

مون ٻانهن ڦٽي آھي

حليم سيتائي

ٽِڪليُون

جواني

ھِن ٽيڙُو بابت

Name of Audio Singer - Name of Ghazal or Bait

ڄَم جو نالو	عبدالحليم جانوري
تخلص	حليم سيتائي
جنم	اڱارو، 06 آڪٽوبر 1987
ڄَم جو ھنڌ:	ميھڙ

حليم سيتائي 6 سيپٽيمبر 1987ع تي ميھڙ تعلقي جي ڳوٺ گاھي خان جانوري ۾ ڄائو، ھن جو ٻالڪپڻ سيتا جي ثقافتي ۽ علمي ماحول ۾ گذريو، جنھن سندس شخصيت جي جوڙجڪ ۾ اھم ڪردار ادا ڪيو.

تعليمي سفر:
1992ع ۾ ڳوٺ گاھي خان جانوري کان سيتاروڊ شھر جي بيرو خان جانوري ڳوٺ ۾ اچي رھائش ڪئي، جتي پرائمري کان ٻارھين ڪلاس تائين جو سفر ڪيائين ۽ وڌيڪ تعليم حيدرآباد قاسم آباد جي ھڪ ڇوڪرن جي ڊگري ڪاليج مان انگريزي ۾ ايم اي ڪئي.

ادبي سفر:
حليم سيتائي نہ رڳو تعليمي شعبي ۾ پاڻ ملهايو، پر ادب ۾ بہ پنھنجي منفرد سڃاڻپ قائم ڪئي. ھو شاعري ۾ غزل، گيت، بيت، ڀڄن سميت ٽيڙو ۽ چؤسٽن جھڙي صنفن تي مھارت رکي ٿو ۽ حال نہ ھجڻ ڪري اڃا تائين سندس شاعري ڪتابي صورت ڪونہ وٺي سگھي آھي پر باک تي پڙھي سگهو ٿا.

سيتائي جي تحريرن ۾ سنڌ جي مٽيءَ جي خوشبو، سماجي حقيقتن جو اولڙو ۽ فڪري گهرائي محسوس ٿئي ٿي.

پيشہ ورانه سفر
حليم سيتائي ھڪ استاد جي حيثيت ۾ مختلف ادارن ۾ ڪم ڪيو آھي. سندس تدريس واري ڪيريئر جا اھم مرحلا ھي آهن:

فراز ماڊل اسڪول سيتاروڊ(2006 کان 2008)
پرائمري استاد: سوجهرو ابتدائي اسڪول حيدرآباد.
(2014 کان 2018)
ان سميت حيدرآباد ۾ لابيل يونيفارم سينٽر تي ھڪ الٽريشن جي ڪاريگر جي حيثيت سان 2 سال ڪم ڪيو.
تعليم جي شعبن ۾ پنھنجي ذھانت کي ڪم آڻيندي انگريزي زمانن ۾ مھارت حاصل ڪئي جنھن سبب مختلف سينٽرز تي انگريزي جو استاد پڻ رھيو، سندس ڪيترائي شاگرد اڄڪلھ سٺن عھدن تي فائز آھن.

موجودہ عهدو:
حليم سيتائي سنڌ حڪومت جي تعليم واري کاتي ۾ پرائمري استاد طور خدمتون سرانجام ڏئي رھيو آھي.