سنڌي ۽ اردو ٻوليءَ جي نامور شاعرہ ۽ اديب ڊاڪٽر نويده ڪٽپر 15 اپريل 1982ع تي لاڙڪاڻي ۾ جنم ورتو. ھُوءَ پنھنجي منفرد شاعري ۽ فڪري ليکن سان ادبي دنيا ۾ هڪ ممتاز مقام رکن ٿي. سندس شاعري ۾ سماجي، ثقافتي ۽ انساني جذبات جي عڪاسي سان گڏ گھرائي ۽ جدت پسنديءَ جو امتزاج ملي ٿو. ھُوءَ سنڌ يونيورسٽي جي IBA شعبي ۾ اسسٽنٽ پروفيسر آھي ۽ تحقيقي ميدان ۾ پڻ اھم ڪردار ادا ڪري ٿي. 

ڊاڪٽر نويدہ ڪٽپر جي شاعريءَ ۾ رومانويت، سماجي شعور ۽ عورتن جي آواز کي خاص اھميت حاصل آھي. ھن سنڌي ۽ اردو ٻولين ۾ ٽي شاعريءَ جا مجموعا شايع ڪيا آهن، جيڪي پڙھندڙن ۾ تمام گهڻو مقبول آھن:

1. اجنبي جزيرون پر (2021ع اردو شعري مجوعو)
2. اڌورا خواب (2022ع ۾ ڇپيل پھريون مجموعو)


3. توکان تو تائين‌ (2023ع ۾ ڇپيل شعري مجموعو)


4. صدا گونج اٹھی (2024ع اردو شعري مجموعو)

ڊاڪٽر نويده مختلف اخبارن ۽ رسالن ۾ سماجي، سياسي ۽ ثقافتي موضوعن تي مضمون ۽ ڪالم پڻ لکندي رهي ٿي. ھُوءَ سيمينار ۽ ادبي پروگرامن ۾ مھمان اسپيڪر طور شرڪت ڪندي، عورتن جي بااختياري، سماجي تبديلي ۽ ادب جي موضوعن تي پنھنجا خيال پيش ڪري ٿي. سندس شاعري ۽ ادبي خدمتون سنڌي ۽ اردو ادب جي فروغ ۾ اھم ڪردار ادا ڪن ٿيون.

هوءَ ھڪ استاد، شاعرہ، اديب ۽ سماجي مفڪر جي حيثيت سان ادبي دنيا ۾ مقبول آھي ۽ ھُوءَ پنھنجي تخليق سان ادب جي آبياري ڪري ٿِي.