ڄَم جو نالو	احمد خان سومرو
تخلص	مدھوش
جنم	آچر، 05 اپريل 1931
ڄَم جو ھنڌ:	دادو
لاڏاڻو	سومر، 26 جولاءِ 2010
لاڏاڻي جو ھنڌ	دادو

ناميارو شاعر احمد خان ولد حاجي خان (حاجي فقير شغلي) ذات سومرو دادو ضلعو جي خيرپور ناٿن شاه تعلقو جي ڳوٺ سلطان چانڊيي ۾ ڄائو، 1932ع ۾ سندس خاندان ’جوهي‘ شھر ۾ اچي آباد ٿيو. 1949ع ۾ سنڌي فائنل، 1957ع ۾ انٽر ۽ 1965ع ۾ اديب فاضل سنڌيءَ جا امتحان پاس ڪيائين. ڳپل عرصو جوهيءَ ۾ استاد ٿي رھيو. سيد نجف علي شاھ سندس ھم عصر شاعر ھو. ھن شاعريءَ جي سکيا فيض بخشاپوريءَ کان ورتي. . احمد خان اڳتي ھلي شاعريءَ ۾ پنھنجو تخلص ”مدهوش“ رکيو، پاڻ سنڌ جو ڪهنہ مشق سڄاڻ ۽ ناميارو شاعر ھو. پاڻ استاد جھڙي مقدس پيشي سان لاڳاپيل ھو. شاعري جي مڙني صنفن تي طبع آزمائيڪيائين، سندس ڪلام اخبارن، رسالن ۾ شايع ٿيندو رھي ٿو. سندس شاعري مختلف راڳين جي آواز ۾ ريڊيو تان پڻ نشر ٿيندي رهندي آھي.