| ڄَم جو نالو |
محمد ابراھيم |
| تخلص |
منشي |
| جنم |
جمعو، 05 جنوري 1934 |
| ڄَم جو ھنڌ: |
ٽنڊو محمد خان |
| لاڏاڻو |
خميس، 31 جولاءِ 2003 |
| لاڏاڻي جو ھنڌ |
ٽنڊو محمد خان |
ابراھيم منشي، 15 جنوري 1934ع تي ڳوٺ جنھاڻ سومري، تعلقي ۽ ضلعي ٽنڊي محمد خان ۾ ڄائو. ابراھيم منشي اڃان چوٿون درجو سنڌي مس پڙھيو تہ مارچ 1945ع ۾ سندس پيءُ وفات ڪري ويو. گھر جي اٺن نون ڀاتين جو گذر سفر ڏاڍو ڏکيو ٿي پيو، ان ڪري ابراھيم منشيءَ پنج درجا سنڌي پاس ڪري محنت مزدوري ڪرڻ شروع ڪئي. ھن 1949ع ۾ شاعريءَ جي شروعات ڪئي. ابراھيم منشيءَ جو پيءُ پڻ شاعر ھو ۽ مولود بہ چوندو ھو، مٿس ان جو بہ ڪافي اثر ھو. ابراھيم منشيءَ شروع ۾ رومانوي شاعري ڪئي ۽ ڪافيون چيون. شاعريءَ وسيلي ھيٺئين طبقي جي نمائندگي ڪرڻ لڳو. ھو پنھنجي شاعري ترنم سان پڙھندو ھو. 1960ع ڌاري شيخ اياز جي انقلابي شاعريءَ کان متاثر ٿيو. ابراھيم منشي پنھنجي انقلابي شاعري ۽ قوم پرست سياست جو حصو ھجڻ سبب 5 سال جيل ۾ بہ رھيو. ھي عوامي ۽ انقلابي شاعر 31 جولاءِ 2003ع تي ھي جھان ڇڏي ويو.
