سوا يار ٻيو نہ ڪجھہ چاھي عجب ھي،
دل اسان جي آھي عجب ھي، دل اسان جي آھي.

گلمان ۽ جنت، حورون، ٻيو کير ۽ ماکي نھرون،
پر ڪانہ مڃئين منھنجي ھڪڙي بس،
سڀ ٺاھہ ڇڏيائين ٺڪرائي عجب ھي،
دل اسان جي آھي عجب ھي، دل اسان جي آھي.

سڀ ورد وضيفا وساري، لڳي لالڻ جي آ لاري،
ھِت ھُت منھنجو تون ئي تون آن،
اھو ورد ويٺي ورجائي عجب ھي،
دل اسان جي آھي عجب ھي، دل اسان جي آھي.

توڙي مھڻا ملامت طعنا ڪري ڳلھہ ڳچي جا ڳانا،
طبل تنبورا، ڇيرون ڇم ڇم،
ڪين نہ ڪڏھن شرمائي عجب ھي،
دل اسان جي آھي عجب ھي، دل اسان جي آھي.

ھڪ حسن شاھن شاھي، ٻيو بي خود بي پرواھي،
ھُجت حاجت نہ ڪا زور ۽ زاري،
اتي اکيون ويٺِي اٽڪائي عجب ھي،
دل اسان جي آھي، عجب ھي،
دل اسان جي آھي عجب ھي، دل اسان جي آھي.

محبوب منھنجو تون آھين سھڻا، ڏينھن قيامت تائين،
ڪرم اھو ٿئي يار ھتان بس، وڃان مانجهي مُنھن مَرڪائي،
دل اسان جي آھي عجب ھي، دل اسان جي آھي.