آڪاش انصاري جو غزل - ھيءَ غلامي گار ٿي مون کي لڳي

ھيءَ غلامي گار ٿي مون کي لڳي

آڪاش انصاري

ھيءَ غلامي گار ٿي مون کي لڳي،
روح تي ڪو بار ٿي مون کي لڳي.

دنيا وڏي عيار ٿي مون کي لڳي،
۽ قوم منھنجي ٻار ٿي مون کي لڳي.

ويڙھ کان اڳ ويڙھ تاہ ويساھ کڄڻ،
ھيءَ بہ ھڪڙي ھار ٿي مون کي لڳي.

ھيءَ سياست سمنڊ، ماڻھون ڄڻ مَڇيون،
۽ رھبري ھڪ ڄار مون کي ٿي لڳي.

اڳئين شاعري

اروڙ جون اکيون

آڪاش انصاري

ٽِڪليُون

غلامي

ھِن غزل بابت

Name of Audio Singer - Name of Ghazal or Bait

ڄَم جو نالو	الله بخش انصاري
تخلص	آڪاش
جنم	اڱارو، 25 ڊسمبر 1956
ڄَم جو ھنڌ:	بدين

الهه بخش ”آڪاش“ انصاري، 25 ڊسمبر 1956ع ۾ بدين لڳ ڳوٺ ’ابل جي وسيءَ‘ ۾ ڄائو. شروعاتي ۽ ثانوي تعليم بدين مان حاصل ڪيائين، جڏهن ته ايم. بي. بي. ايس، لياقت ميڊيڪل ڪاليج ڄامشوري مان ڪيائين. سندس شاعريءَ جو مجموعو ’ڪيئن رهان جلاوطن‘ چار ڀيرا ڇپجي ادبي حلقن ۾ وڏي مقبوليت ماڻي چُڪو آهي. سندس شاعريءَ جو ٻيو ڪتاب ”اڌورا اڌورا“ عنوان سان گلشن پبليڪيشن حيدرآباد ڇپايو آهي. سندس شاعريءَ ۾ رومانويت سان گڏ مزاحمت جو رنگ نمايان آهي، خاص طور تي سندس نظم، نوجوانن ۾ انتهائي مقبول آهن. پاڻ صحافت وارو پيشو پڻ اختيار ڪيائين. روزاني ’سوال‘ اخبار جو چيف ايڊيٽر به رهيو آهي. ان جي بند ٿيڻ کان پوءِ هن وقت بدين ۾ ڊاڪٽري ڪرڻ سان گڏ هڪ NGO سان لاڳاپيل آهي. شاهه لطيف تي چڱي ڄاڻ رکي ٿو ۽ علمي ادبي ميڙ ڪرائڻ جو شوقين آهي.