سردار شاھ

صدين کان جا سنڌو آھي

صدين کان جا سنڌو آھي
اسانجي ديد جي ديوي
حسينا ھوبہ ھو آھي
اسان لئہ سج سمان جيڪا
اسان لئہ ماھرو آھي
ازل ۽ ابد جي وچ ۾
کڙي جا خوبرُو آھي
اسان جو جيءَ جياپو ۽
اسان جي جستجو آھي
اسان لئہ انگ اوڇڻ آ
اسان جي آبرو آھي
صدين کان جا سنڌو آھي

اڳئين شاعري

مونکي ٻيو ڇا کپي

سردار شاھ

پوئين شاعري

سمنڊ ھو پُور جوڀن تي

سردار شاھ

ٽِڪليُون

ڌرتي وطن

ٽيڪا ٽپڻي

ھيستائين ڪوبہ تبصرو ناھي ڪيل پنھنجِي راءِ ڏيڻ لاءِ لاگ ان ڪريو

Name of Audio Singer - Name of Ghazal or Bait

ڄَم جو نالو	سيد سردار علي شاھ
تخلص	سردار، شاھ
جنم	جمعو، 12 اپريل 1974
ڄَم جو ھنڌ:	عمرڪوٽ

سردار شاهه: مشھور شاعر، اديب ۽ سياستدان سيد سردار علي شاھ ،12 اپريل 1974ع تي ڳوٺ کاروڙي سيد، تعلقي ۽ ضلعي عمرڪوٽ ۾، درگاھ کاروڙي سيد جي گادي نشين سيد علي مراد شاھ جي گهر ۾ جنم ورتو .سردار شاھ مٽياري سادات جي خاندان مان آھي ۽ خانداني طور زميندار آھي. سردار شاھ سول انجنيئرنگ ۾ B.E جي ڊگري مھراڻ يونيورسٽي ڄامشوري مان حاصل ڪئي. شاگرديءَ واري زماني کان وٺي کيس لکڻ پڙھڻ سان شوق رھيو. ادبي دنيا ۾ سردار شاھ جي نالي سان مشھور آھي .مختلف اخبارن ۽ رسالن ۾ سندس مضمون ۽ ڪالم ڇپيل آھن. سندس شمار موجودہ دور جي سٺن ڪالم نگارن ۾ ٿئي ٿو ھن. خاص ڪري قبيلائي تڪرارن، وڏيرڪي ۽ سرداري نظام، دهشتگرديءَ ،تعليم جي تباهيءَ ،سنڌي هندن سان ٿيندڙ ناانصافين، هارين ۽ زميندارن جي تڪرارن، سنڌو درياھ جي پاڻيءَ تي لڳندڙ ڌاڙن ۽ سنڌ کي درپيش مسئلن تي ڪالم لکيا آھن . سردار شاھ نئين ٽهيءَ جي شاعرن ۾ سٺو مقام رکي ٿو ھي. حليم باغيءَ کانپوءِ واري ٽهي- مير حسن آريسر ،حاجي ساند، اشرف پلي، خليل ڪنڀار ۾ پنھنجو منفرد مقام رکي ٿو .سندس ادبي ،سياسي ۽ تاريخي مطالعو نھايت وسيع آھي. انهن موضوعن تي ھو سٺي انداز ۾ تقرير ڪري سگهندو آھي . سـردار شـاهه پيءُ جي وفات کانپوءِ درگاھ کاروڙي سيد جو سجادہ نشين مقرر ٿيو .عمرڪوٽ ۽ ٿرپارڪر ضلعن ۾ سندس خاندان جا مريد ۽ پوئلڳ وڏي تعداد ۾ آباد آھن. سردار شاھ سياسي سرگرمين جو آغاز شاگرديءَ واري زماني کان ڪيو .2001ع جي بلدياتي چونڊن ۾ يونين ڪائونسل کاروڙي سيد لاءِ پيپلز پارٽيءَ پاران ناظم چونڊيو ويو .سيد سردار شاهه2013ع ۽ 2018ع جي صوبائي چونڊن ۾ پيپلز پارٽيءَ جي ٽڪيٽ تان پٿوري- ساماري واري تڪ تان سنڌ اسيمبليءَ جو ميمبر چونڊجي ثقافت ۽ تعليم کاتن جو صوبائي وزير مقرر ٿيو. سردار شاھ جي ڪالمن جو ھڪ مجموعو ’مي رقصم ‘جي نالي سان 2011ع ۾ ڇپيو آھي جنھن، تي طارق عالم اڪيڊميءَ کيس 2012ع تي اوارڊ پڻ ڏنو آھي . سردار شاھ ٽہ ماھي رسالي ’سارنگا‘ جي ايڊيٽوريل سٿ جو ميمبر پڻ آھي ھن. شوڪت شوري، اسحاق سميجي، اڪبر لغاري ،منظور ميراڻيءَ سان گڏجي ھن وقت تائين ’سارنگا‘ رسالي جا 18 کن پرچا ڪڍيا آھن ۽ سارنگا پبليڪيشن طرفان ڪيترائي نثر ۽ شاعريءَ جا ڪتاب پڻ ڇپائي پڌرا ڪيا آھن. ھن جا ادبي واسطا سرائڪي، پنجابي ۽ اردو اديبن سان تمام ويجها رهيا آھن ،خاص ڪري سرائڪي اديب عزيز شاھد سان گڏجي ھن ٿر ۽ چولستان جا دورا ڪيا آھن .’سارنگا‘ ۾ ھن ،اسحاق سميجي ۽ ٻين دوستن عزيز شاھد جو ھڪ طويل انٽرويو شايع ڪرايو آھي، جنھن ادبي دنيا ۾ وڏي مڃتا حاصل ڪئي آھي.