ڄَم جو نالو	مانجهي فقير بوداڻي
تخلص	مانجهي
جنم	جمعو، 01 جنوري 1965
ڄَم جو ھنڌ:	ٻرهوڻ

سنڌ جو ھي يگانو فقير پنھنجي منفرد تربيت رکندڙ صوفي فنڪار ۽ شاعر مانجهي فقير 1964 ڌاري ٻرهوڻ شريف، ضلعي سانگهڙ ۾ ھڪ فقيرمند انسان ۽ ڀٽائي جي عقيدتمند فقير در محمد بوداڻي جي گهر ۾ جنم ورتو. ھن دنياوي علم جا صرف 3 درجا پاس ڪيا، ننڍپڻ ۾ مانجهي فقير درس و تدريس کان ڪنارا ڪشي اختيار ڪري پنھنجي غربت ۽ افلاص جي پيش نظر پنھنجي گهر جون ٻڪريون چارڻ شروع ڪيا، ساڳي وقت ھن قرآن شريف ۽ مذھبي تعليم حاصل ڪئي. سندس دل جي آڪڙي کي شاعري جي پکي ننڍپڻ ۾ دريافت ڪري ورتو ۽ ٻاروتڻ واري عمر ۾ جڏھن ٻار ھڪ جيڏن سان گڏجي مختلف رانديون ڪندا آھن، ان مھل مانجهي فقير ڪربلا جي شهيدن ۽ شام جي قيدي مسافرن جي عقيدت ۾ نوحاخواني ۽ قصيده ۽ گڏوگڏ شاعري لکڻ شروع ڪيا. ان کانپوءِ جڏھن مانجهي فقير جو تصوف ۽ صوفي ازم ڏانھن لاڙو ٿيو تہ پنھنجي تصوف واري شاعري کي پنھنجي يڪتاري سان پاڻ جهونگارڻ لڳو. مانجهي فقير حقيقت ۾ ھڪ شاعر ھيو پر ھن جي ڳائڻ جي انداز سنڌ ۾ کين مشھور ڪري ڇڏيو.