جنھن جي ڳولا ٿو ڪرين، اُهو ئي پاڻ تون آھين،
ڄاڻي حق غير تون ناهين، اھو ئي پاڻ تون آھين.

"وهو محڪم" وارو ٻڌو ارشاد نہ ٿئي،
يا تہ ارشاد انھي تي ڪيو اعتماد نہ ٿئي،
ڪھڙو بندو ڪھڙو سائين، اھو ئي پاڻ تون آھين.

مڇي جيئن آب اندر نہ ٿي ھڪ جاءِ ٽِڪي،
رھي پاڻي جي اندر پوءِ بہ پاڻ لاءِ سڪي،
توکي بہ حرص اُهائي، اُهو ئي پاڻ تون آھين.

جيئن داڻي جي اندر سمايل وڻ آ سڄو،
ائين تنهنجي ئي اندر آھي وڻڪار وڏو،
جهاتي جي جيءِ ۾ پائين، اُهو ئي پاڻ تون آھين.

ڪھڙي وس واس ۽ وهمن ڪھڙي غلطان ۾ پئي وي،
مخاطب توسان آهيان، مان ڪھڙو ارمان ۾ پئي وي،
ڇالاءِ ناحق ٿو نٽائين، اُهو ئي پاڻ تون آھين.

مانجهي سنسار سڄي جو خودمختيار تون آن،
مٽي پاڻي باهہ ھوا اتي ھسوار تون آن،
پردو جي پاڻ جو لاهين، اھو ئي پاڻ تون آھين.