اھي اصل جو اقرار سھڻا توسان، توسان،
آهيون دم نہ ھڪڙو ڌار سھڻا توسان، توسان.

پير اسان جي آس پڄائي، واھ وحدت جي تند وڄائي،
آھي لونءَ لونءَ ۾ لغار، سھڻا توسان توسان.

سينڌ سنواري سرما پايون، ھار گلابي گل سبايون،
سڀئي ٺھن ٿا سينگار سھڻا توسان، توسان.

هوڏهون حُسن جو فوجان سينگاريون، ھٿيار ھٿن ۾ تير تراريون
بيحد برڇون بيشمار، سھڻا توسان توسان.

خلق ال آدم صورت ساري، شاھہ ولايت مام موچاري،
پھريون پيدا ٿيو آ پيار، سھڻا توسان توسان.