حسن سردار ڪيا سينگار، ٿيا گلزار گلزارا،
هُليا ھٻڪار خوشبودار، ٿيا خريدار سڪ وارا.

تُفنگي تير ڪن ٿا جِھير، وُڙهيا سِير سيني ۾،
لوھُوءَ لاٽان پون ڇاٽان، ٿيا ڇڻڪار ڇڇڪارا.

ڪاريھر ڪيس ڪن ٿا ويس، پنھنجي ديس جا دل تي،
جوڙي جنسار جھلڪيدار، چُرن چوڌار چنڊ تارا.

تنين جا ناز خوش آواز، ورتئون راز ريجهائي،
بحري باز ڪن پرواز، کنيائون ساز سڪ وارا.

منجھائون چاھ ڪيائون ڪاھ، ولايت شاھہ جي سِرَ تي،
آھن انباھہ ۾ آڙاهہ، جنگي جنگاهہ جنگ وارا.