جيڪو قوم کي لٽي جيڪو قوم کي گهٽي
سو ئي راڄ مردہ باد سامراج مردہ باد

وڌي ويون دنيا اندر ھي نفرتون ڪدورتون
نہ ڪنھن ملڪ جون پوريون ٿين ضرورتون

ٻاھر امن جي دعوي اندر سياھ سورتون
انسان کي تباه ڪن سي ئي تاج مردہ آباد

ٽوڙ ڦوڙ لاءِ توب ۽ گوليون بارود بم
وڙهايون قومون ننڍڙيون ڪڍيو وڃن ٿا پنھنجا ڪم

نوان بلاڪ ٺاھي ٿا چون ڪريو ڪونہ غم
بدلي بارود جي وٺن وياج مردہ باد

ڪنين جا تجربا ٿين ڪنين جي لاءِ موت آ
ڪي خلا چنڊ تي گهمن ڪنين لاءِ توت آ

ڪي مرن انقلاب ۾ ڪنين لاءِ جوت آ
راڪيٽ چنڊ گاڏيون ۽ جيٽ جھاز مردہ باد