چنڊ لڳي ٿو لولو چنڊ لڳي ٿو لولو
ٻچڙا ماني لاءِ ٻاڏائين ڪينڪي موٽيو ڍولو

پيءُ ٿو منهنجو محل بنائي پاڻ ٿو جهوپي لئہ واجهائي
ڪينڪي مون لاءِ آھي ڇڏي وي ڪوبہ اجهو ۽ اولو

پيءُ ٿو پنھنجو پاڻ پتوڙي ڌرتيءَ تي ٿو نور پکيڙي
ان کڻيو وڃن واپاري ڪين بچي ٿو تولو

هرڪا اک آ آلي آلي خالي ڪُنو خالي ٿالهي
گدرو سمجهي ڪوتہ تڪي ٿو دنيا جو ھي گولو

ڳاڙهي سائي جيپن وارا اوچي اوچي محلن وارا
اوهان پارايو آھي مون کي غربت جو ھي چولو