ھڪڙو مندر ۽ واڻئي جو هَٽُ ھيو،
ڳوٺ اڳيان ٻيو خالي خالي پَٽُ ھيو،

نانا جنھن پل ٻانگ فجر جي ڏيندو ھو،
ڏينھن ڌنارن تي ٿي ويندو جَهٽُ ھيو،

منظر مان بس ھڪڙي وينگس غائب هئي،
کوهہ ھيو ۽ کوهہ جي ڀر ۾ مَٽُ ھيو،

ڪنھن نہ ڏٺو ھڪڙي وڌوا جي اکڙين سان،
چنڊ ھيو يا رات فلڪ ۾ ڦَٽُ ھيو،

ٻيرَ ڇڻي پوندا ها ھن لئہ ٻيرِ منجهان،
واءُ ڇنڊي ويندو پيرن تان لَٽُ ھيو،

جيون هرڻي جي ھجرت ھو صحرا مان،
واريءَ تي ڪنھن واچوڙي جو وَٽُ ھيو،