ويڙھ سواءِ ٻي واھ نہ آھي، اچو تہ جوٽيون جنگ، الا.

سيج ستا جي سيئي سڀاھت، ڪارا رڙندا ڪَنگ، الا.
اچو تہ جوٽيون جنگ، الا

ڏاڍ جي ڏاٺ ھڻي پئي ڏاڍا، ڏيھ سڄي کي ڏنگ، الا.
اچو تہ جوٽيون جنگ، الا

نِت نوان نيلام ٿين ٿا، پنھنجا دڙيون دنگ، الا.
اچو تہ جوٽيون جنگ، الا

ائين پچون پيا پرين کان، جيئن ٽانڊن آڀون سنگ، الا.
اچو تہ جوٽيون جنگ، الا

ڪنھن آ پياري قوم سڄي کي، گهوٽي گهاٽي ڀنگ، الا.
اچو تہ جوٽيون جنگ، الا

”منشي“ ڌار دنيا کان آھن، پنھنجا راڳ ۽ رنگ، الا.
اچو تہ جوٽيون جنگ، الا