بي انت ناز منھنجي دلدار يار کي آ
سڀ کان حسن ڪثر ۽ سينگار يار کي آ

شوخي ۽ شور ڌاري، گڏ جو نٿو گذري،
ڏورئون پيو ڏيل ڏاري، جيئري پيو جان ڳاري،
مشتاق ھيئن نہ ماري، پوڪار يار کي آ.

صورت سندس سبحاني، پُرنور سا پيشاني
جوڀن پسي جواني، دلڙي ٿي پئي ديواني
اک ۾ ڪجل جي ڪاني، ھر واري يار کي آ.

رخ رنگ آ عُنابي، گهريون اکيون گلابي،
لب لال لاجوابي، صورت آ نيم خوابي،
پوشاڪ ڪيم خوابي، پڳدار يار کي آ.

لنوڙي جھين سان لاتم، لاغرض ٿيو سو لاغم،
مون لاءِ آھي ماتم، سارو کلي ٿو عالم،
اعجاز جي نہ ڪنھن دم ڪاسار يار کي آ.