الله جي گهر کي مون کاٽ ھنيو
ٽجوڙ منجھائون وڃي لعل کنيو

چوري پنھنجي مون کي پاڻ ڏسيائين
مون نہ ڏوھہ ڪيو مونکي پاڻ بڇائين
رمبو کاٽ وارو مون کي پاڻ آڇيائين
متان پوءِ ڪرين تون ارمان پيو

مونکي ڀاڳئي چيو گهر ۾ آءُ گهڙي
جي تون عاشق آن لاھ سانگ سري
آيون کڙھہ تي آن ھاڻي وڃ نہ وري
جي توکي عشق منھنجي آھي تاب تيو

گهٽ گهير ڏسئينءَ ھلندو آءُ اڳي
ٽجوڙ پئي اٿئي پاسي کٻي
تنھنجو ويري بيٺو ٿو وچ تي وڳي
تنھن تي توحيد جو مون وارو ڪيو

چوري ڪندڙ ڪرائيندڙ چور ٻئي
ھڪ حال ٿيو وچئون وٿ وئي
رھيو چور ڀاڳئي ۾ فرق نہ ڪوئي
ملي ھي ۽ ھو وڃي ھڪڙو ٿيو

ڀاڳئي چور سڃاڻي مون کي وڌو آ چڙو
مون بہ ماليءَ تي آھيان مست کڙو
وڃين َنَحَن اَقرب لاٿم ڪڙو
جانڻ چن انھي محلات پيو