آءُ يار پنهل پرين توکي پرچايان،
توکي سھڻا سرچايان

گل ڦل چونڊي پيار پوئي
ھار ڳل پايان تنهنجي سيج سجايان

تصور ۾ آ صورت تنهنجي،
پلپل پچايان توکي سيني لايان

آءُ اڱڻ تي يار پيارا
درشن پايان پنھنجو روح ريجهايان

ڳليءَ ڳليءَ ۾ جوڳي بڻجي،
ڳڻ تنهنجا ڳايان آءُ الک جاڳايان

در ھجر جون ڳجهيون ڳالهيون،
سور سڻايان توکي حال ٻڌايان

جي تون رسڻ جو رکين رايو،
پاند ڳل پايان سڀئي سرتيون سڏايان

شاھہ ولايت روز ازل کئون،
عاشق آهيان تنھنجو ناتو نڀايان