ھن عمر بيمثال ۾، بيباڪ محبتون،
ننگا نصيب منھنجا ٿيون، چاڪ محبتون.

بيٺي بدن مون بہ کڻي باھ تي رکيو،
گهري گناھ نيٺ ڪيون، پاڪ محبتون.

ڪاڙھي تَتي جو ديس ٿو آئون تڏھن گھمان،
منجهند جتان ملي بہ وڃن، ٽاڪ محبتون.

مون ساڻ منھنجون موسمون گڏجيون پيون گهمن،
رب جو قسم تہ روح جون، رولاڪ محبتون.

مون لئہ پرين پيار آ تنھنجو پناھ ٿيو،
منھنجون تہ ٿڪي نيٺ ٿيون، ٿاڪ محبتون.

پنج ئي شيون نصيب اٿم پيو تڏھن گھمان،
نرمي گلن جي، گيت، ھوا ۽ ماڪ محبتون.