ھن عمر بي مثال ۾، بي باڪ محبتون،
ننگا نصيب منھنجا، ٿيون چاڪ محبتون.

بيھي بدن مون بہ، کڻي ساھ تي رکيو،
گهري گناھ نيٺ ڪيون پاڪ محبتون.

ڪاڙھي تتي جو ديس ٿو آئون تڏھن گھمان،
منجهند جيان ملي بہ وڃي ٽاڪ محبتون.

مون ساڻ منھنجون موسمون گڏجيو پيو گهمن،
رب جو قسم تہ روح جون رولاڪ محبتون.

مون لاءِ پرين پيار آ تنھنجو بناوَ ٿيو،
منھنجيون تہ ٿڪي نيٺ ٿيون ٿاڪ محبتون.

پنج ئي شيون نصيب اٿم، پيو تڏھن تڳان،
نرمي گلن جي، گيت، ھوا، ماڪ محبتون.