آڏو ايندو صحرا ڪارو ڪجهہ وڻراهہ بہ کڻ،
روڪ مسافر گهوڙو پنھنجو ٿورو ساهہ بہ کڻ،

جوڳي پياسا نڪري ويا تون تن جي پويان وڃ!
بگري پنھنجي کول انھن لئہ ھڪ درياهہ بہ کڻ،

فتوائن جي شھر منجهان جي گذرين ياد ڪجان،
تنبورو آ تنهنجي ھٿ ۾ گڏ الله بہ کڻ،

اھل مناظر آھين سج سان تنھنجو جهيڙو آ،
هُن ڏٺي جو ناهي ھُن لئہ ڪجهہ اونداهہ بہ کڻ،

ھڪڙو سيوهڻ مونکي ڏي ٻيو سڀ ڪجھہ تون ئي کڻ!
کڻ تون پنھنجا ڪوڙ سمورا ۽ درگاهہ بہ کڻ،