وٺي ھر ھر جنم وربو مٺا مھراڻ ۾ ملبو،
ختم اونداه ٿي ويندي چٽيءَ چانڊاڻ ۾ ملبو.

‫پنهنجي جا جنگ آ جاري سا ٿيندي نيٺ سوڀاري،
مري ويندا مڙيئي ماري سچيءَ سرھاڻ ۾ ملبو.

‫هجي يورپ يا لبنان جتي ماريو ويو انسان،
انھي ماڻهو سندي ارمان ۽ رت ڇاڻ ۾ ملبو.

‫ٿيا جي قوم تان قربان انهن جا آھن لکين احسان،
شهيدن جي ريٽي رت سان رتيءَ لالاڻ ۾ ملبو.

‫وري ورندا تہ وسڪارا وسي پوندا ھي پٽ سارا،
مارو ٿيندا تہ موچارا مينھن مانڊاڻ ۾ ملبو.