اياز گُل

جيءُ جيءُ ادڙا

جيءُ جيءُ ادڙا!
جيءُ جيءُ ادڙا!

پڙھي لکي تون
علم سکي تون
وڏڙو ماڻهو
ٿيءُ ٿيءُ ادڙا!
جيءُ جيءُ ادڙا!

سُک پَسين تون
خوش وسين تون
مٺڙو کيرُ
پيءُ پيءُ ادڙا!
جيءُ جيءُ ادڙا.

اڳئين شاعري

امڙ جڏھن لولي ڏيندي آ

اياز گُل

پوئين شاعري

پنهنجو ديس پيارو

اياز گُل

پنھنجي ھمعصر شاعرن ۾ نمائنده شاعر، جنھن جو پورو نالو اياز علي ولد رجب علي دل آھي، هُن سکر شھر ۾ 6 مارچ 1959ع تي جنم ورتو، کيس ننڍپڻ کان ئي علم ادب سان لڳاءُ رھيو، ادبي دنيا ۾ اياز...

ٽِڪليُون

ٽيڪا ٽپڻي

ھيستائين ڪوبہ تبصرو ناھي ڪيل پنھنجِي راءِ ڏيڻ لاءِ لاگ ان ڪريو

Name of Audio Singer - Name of Ghazal or Bait

ڄَم جو نالو	اياز علي دَل
تخلص	اياز، گل
جنم	جمعو، 06 مارچ 1959
ڄَم جو ھنڌ:	سکر

پنھنجي ھمعصر شاعرن ۾ نمائنده شاعر، جنھن جو پورو نالو اياز علي ولد رجب علي دل آھي، هُن سکر شھر ۾ 6 مارچ 1959ع تي جنم ورتو، کيس ننڍپڻ کان ئي علم ادب سان لڳاءُ رھيو، ادبي دنيا ۾ اياز گل جي نالي سان مشھور آھي. ھن 1980ع ۾ ايم. اي (سنڌي ادب) ۾ گولڊ ميڊل حاصل ڪيو. 1981ع ۾ ايم. اي (بين الاقوامي تعلقات) ۾ ڪري بعد ۾ ايل. ايل. بي جي ڊگري پڻ ورتي. شاھ عبداللطيف يونيورسٽيءَ خيرپور مان سنڌيءَ جي اسسٽنٽ پروفيسر طور رٽائر ٿيو. ھو سچل چيئر جو ڊائريڪٽر پڻ رھيو. اياز گل نوجوانن ۾ مقبول شاعر آھي، ھن 1971ع کان شاگردي واري دور ۾ شاعري جو آغاز ڪيو، سندس پھريون شعر 1973ع ۾ ڪراچيءَ مان نڪرندڙ ”اديُون“ رسالي ۾ شايع ٿيو. ھيل تائين ٻين ڪتابن کان علاوہ سندس6 شعري مجموعا ڇپجي چڪا آھن. ٻاراڻي ادب ۾ پڻ اياز گل جو نالو نمايان رھيو آھي. هُو سٺو فوٽوگرافر پڻ آھي، موسيقيءَ سان گهڻي دلچسپي اٿس. سندس گهر ۾ آڊيو، وڊيو ڪئسيٽن ۽ تصويرن جي لائبريري آھي. اياز گل 1996ع کان 1998ع تائين سنڌي ادبي سنگت جو مرڪزي سيڪريٽري جنرل چونڊيو ويو. ميمبر سينڊيڪيٽ، شاھ عبداللطيف يونيورسٽي خيرپور ، ميمبر بورڊ آف گورنرس، تعليمي بورڊ، سکر ، ميمبر بورڊ آف گورنرس سنڌي ادبي بورڊ، ڄامشورو، سيڪريٽري ۽ ميمبر بورڊ آف اسٽڊيز (سنڌي)، شاھ عبداللطيف، يونيورسٽي، ميمبر صلاحڪاري بورڊ، شيخ اياز چيئر، شاھ عبداللطيف يونيورسٽي، انچارج ’تنوير عباسي‘ چيئر، شاھ عبداللطيف يونيورسٽي خيرپور، ميمبر بيدل يادگار ڪاميٽي، روھڙي / سکر.، جنرل سيڪريٽري سکر هسٽاريڪل، سوسائٽي. سنڌ. اياز گل ڪجهه عرصو ڊاڪٽر تنوير عباسيءَ سان گڏ سچل چيئر ۾ بہ ڪم ڪيو. سنڌي شعبي، شاھ عبداللطيف يونيورسٽيءَ جي مخزن ”ڀٽائي“ جو ايڊيٽر ۽ معاون بہ رھيو آھي. سنڌي ادبي سنگت جي رسالي ”سنگت“ جو بنياد وڌائين. هُن جا غزل، وايون ۽ گيت عابده پروين، صادق فقير، سرمد سنڌيءَ، برڪت ڀٽ، ثمينہ ڪنول، شازيہ خشڪ ۽ رحمت ميرالي سميت سنڌ جي مشھور فنڪارن ڳائي داد ماڻيو. اياز گل پنھنجي شريڪ حيات، ’مستور بخاري‘ ۽ پٽ ’پرين ايا‘ سان گڏ سکر ۾ رھائش پذير آھي. مستور بخاري، پاڻ ليکڪا ۽ آرڪيالاجي شعبي سان لاڳاپيل آھي. سندس ڇپيل يا سھيڙيل ڪتابن ۾ ھيٺيان شامل آھن • سوچون سرھا گل (تاج جويي سان گڏ شاعري) 1978ع • گل ۽ تارا (ٻارن لاءِ شاعري) 1979ع • پِيلا گل پلاند ۾ (غزل) 1980ع • ڏينھن ڏٺي جا سپنا (شاعري) 1988 • توبن ڪهڙا ڇانورا (شاعري) 1992ع • دک جي نہ پڄاڻي آ (شاعري) 1997ع • سکر جون يادگيريون (سهيڙيل) 2001ع • پوان شل قبول (تنوير عباسي ءَ تي مقالن جي ترتيب) 2006ع • روشن آ سانجهي (ايڊيٽنگ ۽ ترتيب) 2008ع • مسٽسزم سنڌ اينڊ سچل سرمست، مرتب، 2011ع • ميلي جي تنھائي (شاعري) 2012ع • پنھنجو هيءُ اسڪول (ٻارن لاءِ) 2018ع • خلقڻھار (ٻارن لاءِ) 2018ع • راند روند (ٻارن لاءِ) 2018ع • زنگ لڳل زندگي • رنگن واري دنيا اياز گُل کي مڃتا طور ڪيترائي اوارڊ ، شيلڊون ۽ ميڊل پڻ مليا آھن. گولڊ ميڊل (ايم. اي، سنڌي ادب ۾ پھرين پوزيشن تي شاھ عبداللطيف يونيورسٽي مان) 1980ع، -انسٽيٽيوٽ آف سنڌالاجي- جي طرفان اوارڊ (ڪتاب ’سوچون سرھا گل‘ تي) 1978ع، ينگ رائيٽرس گلڊ اوارڊ (ڪتاب ’گل ۽ تارا‘ تي) 1979ع، سِگا طرفان گولڊ ميڊل (ڪتاب. ’ڏينهن ڏٺي جا سپنا‘ تي) 1992ع، -استاد بخاري- سنگت اوارڊ (ڪتاب: ’توبن ڪهڙا ڇانورا‘ تي) 1992ع، اڪيڊمي آف ليٽرس طرفان شاھ لطيف اوارڊ (ڪتاب: ’دک جي نہ پڄاڻيءَ‘ تي)1997ع، سنڌي لئنگئيج اٿارٽيءَ پاران اوارڊ (ڪتاب: ’دک جي نہ پڄاڻيءَ‘ تي) 1997ع، سچل سرمست اوارڊ (سچل يادگار ڪاميٽي طرفان) 1997ع ۽ 2000ع، تيرھون اسٽار اوارڊ (سائوٿ ايشيا پبليڪيشن طرفان) 2003ع، پي. ٽي. وي طرفان (بهترين شاعر جو اوارڊ) 2000ع ۽ 2001ع، ’شيخ -اياز-‘ شيلڊ (حسن ڪاڪردگيءَ تي) 2002ع. ۽ ٻيون شيلڊون.