اچو گُهمون سڀ چڙيا گهر
وَسيل جتي دلچسپ شھر

وڏو وڏو ھي ھاٿي آھي
ٻارن جو ھي ساٿي آھي
جيئري لک جو ٿيندو آھي
مري سوا لک لھندو آھي
گهوڙي ڀرسان گينڊو آھي
قد ۾ جيڪو ڊينڊو آھي
پِڃري ۾ بند، شينھن ببر
اچو گُهمون سڀ چڙيا گهر

ٻارن جو آ، شور جتي
رنگا رنگي آ، مورُ اتي
طوطو ٻول ٻڌائي ٿو
سڀ جي دل وندرائي ٿو
هنجَ پکي ۽ بدڪون اڇيون
پاڻيءَ ۾ رنگين مڇيون
نچي ڪُڏي پيو ٿو باندر
اچو گُهمون سڀ چڙيا گهر

زيبرو آھي پٽا پٽي
چيتي کان ڪجهہ بيهو هٽي
ھرڻ، مانگر مَڇُ، جهنگ ٻِلو
اُٺ ـ پکي ھي، هِن سان ملو
رڇ ھي جُهمر پائي ٿو
ڀولو ڏسو، چيڙائي ٿو
سھڻو ڪيڏو آ، خچرُ
اچو گُهمون سڀ چڙيا گهر

اچو گُهمون سڀ چڙيا گهر
وَسيل جتي دلچسپ شھر.