بيٽا.

باک، شاعريءَ جي ھڪ قديم دور کان جديد ۽ ٽيڪنالاجيءَ واري دور ڏانھن ھڪ سفر آھي. ھِن پورٽل ۾ جديد توڙي قديم شاعريءَ کي سھيڙي ھڪ ئي ھنڌ سھڻي نموني رکيو ويو آھي. باک جو ھِي شروعاتي شمارو (beta version) آھي، جنھن جي پروگرامنگ ۽ ڊيٽا تي ڪم ھلندڙ آھي، بنيادي طور تي ھِن ورزن ۾ ڪجهہ مشھور شاعرن جي شاعري، سنڌي ۽ رومن رسم الخط ۾ شامل ڪئي وئي آھي.

باک جي شروعات:

باک جي شروعات 2020ع ۾ ٻِن سافٽويئر انجنيئرن ’ڪامران واحد جمالي‘ ۽ ’عبيد ٿھيم‘ ڪئي.  جنھن جو پھريون خاڪو (ويب پورٽل) ڪوڊگنيٽر نالي سان ھڪ فريمورڪ تي جوڙيو ويو.. جيڪو سال 2023ع ۾ اپگريڊ ڪندي لاراويل تي آندو ويو. باک جو شروعاتي پورٽل ڪامران واحد جمالي جي يونيورسٽيءَ جو فائنل يئر پروجيڪٽ پڻ ھو، جنھن ۾ صرف عريبڪ-پرسو لپيءَ ۾ ئي شاعري شامل ھُئي. ان کان پوءِ اپگريڊ ڪندي ھِن کي ٻن لپين (رومن ۽ عريبڪ پرسو يعني موجودہ سنڌي لپي) ۾ ٺاھيو ويو آھي.

ھن ويب پورٽل ۾ توھان نہ صرف شاعري پڙھي سگهو ٿا، پر باک ۾ موجود شاعرن ۽ انھن جي شاعريءَ کي پسنديدہ لسٽ ۾ شامل ڪري سگهو ٿا تہ جيئن مستقبل ۾ اھي شيون توھان جي اڪائونٽ ۾ محفوظ رھن. ان کان علاوہ ڪنھن بہ غزل، وائي، نظم يا ٻي صنف تي پنھنجي راءِ (comment) شامل ڪري سگهو ٿا. ’باک ويب پورٽل‘ ۾ وقت بوقت نواڻ آندي ويندي ۽ توھان جا رايا اسان لاءِ تمام گهڻا فائديمند ثابت ٿيندا.