نارائڻ شام (ڄم: 22 جولاءِ 1922 – ديانت: 10 جنوري 1989) نارائڻ شام سنڌي ٻوليءَ جو مشهور ۽ خوبصور شاعر هو، جنهن جا ڪيترائي ڪتاب شايع ٿيا ۽ هو سنڌي ادب جي اهم شخ...
باک تي نارايڻ شيام جي سنڌي شاعري پڙھو، ڳوليو ۽ دريافت ڪريو — سنڌي ادب جو ڊجيٽل آرڪائيو.
نارائڻ شام (ڄم: 22 جولاءِ 1922 – ديانت: 10 جنوري 1989) نارائڻ شام سنڌي ٻوليءَ جو مشهور ۽ خوبصور شاعر هو، جنهن جا ڪيترائي ڪتاب شايع ٿيا ۽ هو سنڌي ادب جي اهم شخصيتن مان هڪ ليکيو ويندو آهي.
اوائلي حياتي
نارائڻ شام، جنم نالي نارائڻ گوڪلداس ناگواڻي، 22 جولاءِ 1922 تي ضلعي نوشهروفيروز جي ڳوٺ کاھي قاسم ۾ پيدا ٿيو. شروعاتي تعليم پنهنجي ڳوٺ ۾ حاصل ڪيائين ۽ 1942ع ۾ ڊي. جي سنڌ سائنس ڪاليج ڪراچي مان بي اي جي ڊگري حاصل ڪئي. 1945ع کان 1946ع تائين نوشهروفيروز ۾ استاد طور ڪم ڪيائين. 1947ع ۾ هندستان جي ورهاڱي کان پوءِ دهلي لڏي ويو، جتي پوسٽ ۽ ٽيليگراف آڊٽ آفيس ۾ ڪلارڪ طور نوڪري شروع ڪيائين ۽ 1980ع ۾ هيڊ ڪلارڪ طور رٽائر ٿيو.
ادبي سفر
نارائڻ شام، سنڌي ٻوليءَ جي عظيم شاعر ڪشنچند ‘بيوس’ کان متاثر ٿيو. ڊي. جي سنڌ ڪاليج ڪراچي ۾ "سنڌي لٽريچر سرڪل" جي بنياد وڌندڙن مان هو. شيخ اياز، هري دلگير ۽ شيخ راز سان گڏجي سنڌي جديد شاعريءَ جي شروعات ڪيائين، جنهن ۾ آزاد نظم ۽ سونيٽ جهڙا نوان ادبي فارم شامل ڪيا ويا.
هن جو پهريون شاعريءَ جو مجموعو "ماڪ ڦڙا" 1953ع ۾ هري دلگير سان گڏ شايع ٿيو، جنهن ۾ ابتدائي آزاد نظم ۽ تجرباتي شاعري شامل هئي. ان مجموعي کي تنوير عباسي پاران سنڌي ادب ۾ نون موضوعن ۽ فڪر سان ڀرپور چيو ويو.
1955ع ۾ سندس ٻيو مجموعو "پنکڙيون" شايع ٿيو، جنهن ۾ 100 رباعيون ۽ هڪ ڊگهو نظم "روپ مايا" شامل هو. نارائڻ شام سنڌي ادب ۾ رباعين کي متعارف ڪرائڻ ۾ اهم ڪردار ادا ڪيو، جنهن کي سنڌي ٻوليءَ جي رواني ۽ اصل ٽون سان گڏ پيش ڪيو.
نارائڻ شام کي خاص طور تي غزل جي صنف ۾ ڏاڍي پذيرائي ملي. ارجن حاسد لکيو ته:
"نارائڻ شام جا غزل کيس دنيا جي عظيم شاعرن جي برابر آڻي بيهارين ٿا. جيئن اردو شاعري ۾ مير، غالب ۽ فراق تاريخي حيثيت رکن ٿا، تيئن شام جي غزلن جو مقام سنڌي ادب ۾ آهي."
ادبي موضوع ۽ انداز
نارائڻ شام جي شاعري ۾ انساني محبت، امن، ۽ ڌرتيءَ جي قربت جا موضوع خاص اهميت رکن ٿا. هن جي شاعري نرم احساسن سان ڀرپور آهي، جيڪا سنڌو درياءَ جي روانيءَ جهڙي محسوس ٿئي ٿي.
موٽي پرڪاش لکيو ته:
"نارائڻ شام جي شاعري ذاتي درد کان مٿي آهي، جيڪا انساني غم سان گڏجي گڏيل خوشيءَ جو اظهار ڪري ٿي. هن پاڻ لاءِ نه پر سڄي دنيا جي خوشيءَ ۽ ڏک لاءِ لکيو."
سنڌ سان محبت
ڀلي ورهاڱي نارائڻ شام کي سنڌ کان جدا ڪيو، پر سندس دل ۽ روح هميشه سنڌ سان جڙيل رهيا. سندس شاعريءَ ۾ پنهنجي ڌرتيءَ سان محبت ۽ ورهاڱي جو درد محسوس ٿئي ٿو. هو لکي ٿو:
"زندگي ڇا آهي، ڌرتيءَ کان سواءِ؟
مرڻ کان پوءِ به مون کي سنڌ ڏي موڪليو."
شيخ اياز سان واسطو
نارائڻ شام ۽ شيخ اياز جي دوستي ڏاڍي گهري هئي. ٻنهي شاعرن گڏجي جديد سنڌي ادب لاءِ وڏو حصو وڌو. سندن شاعري هڪ ٻئي جي فڪر ۽ موضوعن ۾ امتزاج پيدا ڪري ٿي.
نارائڻ شام، سنڌي ادب ۾ هڪ امر شخصيت آهي، جنهن جا ڪردار ۽ لفظ اڄ به پڙهندڙن جي دلين ۾ زنده آهن.
سوال
نارايڻ شيام ڪڏهن ڄائو؟
نارايڻ شيام 1922-07-22 تي ڄائو.
نارايڻ شيام ڪير آهي؟
نارائڻ شام (ڄم: 22 جولاءِ 1922 – ديانت: 10 جنوري 1989) نارائڻ شام سنڌي ٻوليءَ جو مشهور ۽ خوبصور شاعر هو، جنهن جا ڪيترائي ڪتاب شايع ٿيا ۽ هو سنڌي ادب جي اهم شخصيتن مان هڪ ليکيو ويندو آهي.
اوائلي حياتي
نارائڻ شام، جنم نالي نارائڻ گوڪلداس...
نارايڻ شيام جو مڪمل شعري مجموعو آن لائن ڪٿي ملندو؟
نارايڻ شيام جو مڪمل آرڪائيو باک تي موجود آهي: https://baakh.com/sd/poet/narayan-shyam
